UEFA-dan "Qarabağ"la bağlı yeni paylaşım
UEFA Konfrans Liqası

UEFA-dan "Qarabağ"la bağlı yeni paylaşım

  • 2021-10-22

UEFA Konfrans Liqasının rəsmi "Tvitter" səhifəsi "Qarabağ"la bağlı növbəti paylaşım edib.

Turnirin sosial şəbəkə hesabında Ağdam təmsilçisinin Konfrans Liqasının qrup mərhələsinin 3-cü turunda Bakıda Qazaxıstan "Kayrat"ına 2:1 hesabı ilə qalib gəldiyi matçdan şəkilləri yayımlanıb və bu sözlər yazılıb.

"Son dəqiqədə qalib gəlmək, bax, budur. "Qarabağ" 90+1 dəqiqədə qələbə qazanaraq H qrupunda məğlub olmadı".

Turnirin "Tvitter" səhifəsində təmsilçimizin  qrupu neçənçi pillədə bitirəcəyi ilə bağlı sorğu da yerləşdirilib.

Qeyd edək ki, "Qarabağ" 3 oyundan 7 xalla hazırda qrup lideridir.

Kateqoriyalar