Benzema Raulu geridə qoydu

"Real"ın futbolçusu  Kərim Benzema yeni uğura imza atıb. 

İspaniya mətbuatına istinadən, 34 yaşlı hücumçu buna Çempionlar Liqasının qrup mərhələsinin 2-ci turunda evdə "Şerif"ə 1:2 hesabı ilə uduzduqları oyunda fərqlənməklə nail olub. 64-cü dəqiqədə penaltini dəqiq yerinə yetirən fransalı hücumçu turnirdə 72-ci qolunu vurub.

Beləliklə, o, Madrid təmsilçisinin sabiq oyunçusu Raul Qonsalesi (71 qol) geridə qoyaraq ÇL-də ən çox qol vuran 4-cü fubolçu olub. Hazırda Benzema yalnız Kriştiano Ronaldo (136), Lionel Messi (120) və  Robert Levandovskidən (75) geri qalır.