Mesut Özil 3 il sonra...

Ötən gün Avropa Liqasının qrup mərhələsinin 1-ci turunda "Ayntraxt"la matç "Fənərbaxça"nın kapitanı Mesut Özil üçün əlamətdar olub. 

32 yaşlı yarımmüdafiəçi sözügedən qarşılaşmada fərqlənməyi bacarıb. Bununla da türk əsilli alman oyunçu 3 il sonra avrokuboklarda yenidən qol vura bilib. 

Mesut son dəfə 2018-ci ildə "Qarabağ"ın da yer aldığı E qrupunda "Vorskla" ilə görüşdə fərqlənib. 

Qeyd edək ki, "Ayntraxt" - "Fənərbaxça" oyunu 1:1 hesablı heç-heçə ilə başa çatıb.