Olimpiya oyunlarında futbol üzrə yaş rekordu qırıldı

Braziliyanın qadın futbolçularından ibarət milli komandasının üzvü Formiqa Olimpiya Oyunları tarixində yeni rekorda imza atıb.

43 yaşlı yarımmüdafiəçi buna yığma ilə Tokio-2020-də iştirak etməklə nail olub. O, 7-ci dəfə Olimpiya Oyunlarında meydana çıxıb. Beləliklə, Formiqa öz rekordunu qıraraq, yarış tarixində yeni ən yüksək göstəricini müəyyənləşdirib.

Qeyd edək ki, Formiqa Tokio-2020 başa çatdıqdan sonra millidən ayrılacaq.