Kevin Qameyro sabiq klubuna qayıtdı

"Valensiya"dan ayrılan Kevin Qameyronun yeni klubu bəlli olub.

34 yaşlı hücumçu Fransanın “Strasburq” klubuna keçib.

Bu barədə “Strasburq” klubunun mətbuat xidməti məlumat yayıb. Fransa millisinin sabiq üzvü ilə 2 illik müqavilə imzalanıb.

Qeyd edek ki, Qameyro peşəkar karyerasına “Strasburq”da başlayıb. O, 2005-2008-ci illər aralığında bu klubda çıxış edib. Kevin Fransada “Strasburq”, “Loryan”, PSJ, İspaniyada “Atletiko”, “Valensiya” kimi klublarda oynayıb.