Zidan qərarını verdi

“Real”ın baş məşqçisi Zinəddin Zidan klubdan ayrılmaq qərarına gəlib.

Bu barədə məşhur idman jurnalisti Fabrizio Romano məlumat yayıb. 48 yaşlı mütəxəssis qərarını artıq klub rəhbərliyinə və futbolçulara bildirib. Zidan Madrid təmsilçisindən ayrılacağını yaxın saatlarda klub prezidenti Florentino Perezlə birgə açıqlayacaq.

Qeyd edək ki, Zidan 2016-18-ci illərdə də “Real”a baş məşqçilik edib. O, 2019-cu ildə yenidən vəzifəsinə qayıdıb. “Kral klubu” bu mövsüm fransalı çalışdırıcının rəhbərliyi altında La Liqada 2-ci olub.