"PSJ" yeni baş məşqçisini açıqladı

Maurisio Poçettinonu istefaya göndərən "PSJ" yeni baş məşqçisini açıqlayıb. 

Bu barədə klubun rəsmi saytı məlumat yayıb. Komandanı Kristof Qaltye çalışdıracaq. 55 yaşlı mütəxəssislə imzalanan müqavilənin detalları açıqlanmayıb.

Daha əvvəl tərəflərin 2+1 illik sözləşməyə qol çəkəcəyi bildirilirdi. 

Qeyd edək ki, Qaltye daha əvvəl Fransada "Sent-Etyen" və "Lill", "Nitsa" kimi komandaları çalışdırıb. Fransalı mütəxəssisin son klubu məhz "Nitsa" olub. O, bu il klubdan ayrılıb.