Xerdan Şakiri "Lion"dan ayrılmaq istəyir

"Lion"un hücumçusu Xerdan Şakiri tezliklə komandanı tərk etmək istəyir.

Fransa mətbuatından olan "L'Equipe"də verilən xəbərdə bildirilir ki, isveçrəli futbolçu meydana az çıxmasından narazıdır və 30 yaşlı futbolçu DÇ-2022 ərəfəsində daha çox oyun keçirmək istəyir.

Qeyd edək ki, Fransa klubu ilə 2024-cü ilin yayınadək müqaviləsi olan Şakiri bu mövsüm 16 oyuna 3 qol vurub, 1 qol ötürməsi edib. Onunla MLS klubları maraqlanır.