"Atletiko" onu "Barselona"ya buraxmadı

Müqavilə ilə "Atletiko"ya məxsus olan və hazırda icarə əsasında "Yuventus"da çıxış edən Alvao Morata bu qış transfer pəncərəsində "Barselona"ya keçməyəcək.

Bu barədə "Sport.es" məlumat yayıb. Bildirilib ki, ispan hücumçunun agenti yanvarda Kataloniya təmsilçisinə keçmək üçün danışıqlar aparmağa çalışıb. Ancaq Madrid klubu La Liqadakı rəqibini gücləndirmək istəməyərək transferə mane olub.

Qeyd edək ki, Morata bu mövsüm "Yuventus"la A seriyasında 22 oyunda meydana çıxıb, 5 qol vurub və 3 qolun ötürməsini verib.