Kerrik "Mançester Yunayted"dən ayrıldı

"Mançester Yunayted"in müvəqqəti baş məşqçisi Maykl Kerrik komandanı tərk edib.

İngiltərəli mütəxəssis bunu özü yerli mətbuata açıqlayıb. O, yeni baş məşqçi Ralf Ranqnikin məşqçilər korpusunda yer almayacaq.

Baş məşqçi Ole-Qunnar Sulşerin istefaya göndərilməsindən sonra bu vəzifəni icra edən Kerrik Premyer Liqanın son turunda "Arsenal" üzərində 3:2 hesablı qələbədən sonra komandadan ayrılıb. 

Qeyd edək ki, Kerrik 15 il idi ki, "Mançester Yunayted"də idi. O, 2006-18-ci illərdə futbolçu, 2018-21-ci illərdə məşqçi kimi çalışıb.