"Əl-Sədd" güzəştə getməkdən imtina etdi

"Əl-Sədd" (Qətər) baş məşqçisi Xavinin "Barselona"nı çalışdırması üçün Kataloniya klubu ilə danışıqlarda güzəştə getməkdən imtina edib. 

Bu barədə AS məlumat yayıb. "Əl-Səddin" belə qərara gəlməsinə səbəb "Barselona"nın prezidenti Joan Laportanın Qətərin paytaxtı Dohaya getməməsi olub. Laporta Dohaya vitse-prezident Rafa Yuste və idman direktoru Mateu Alemani yollayacaq.

La Liqa təmsilçisi Xavinin "Əl-Sədd"lə sözləşməsinə son verməsi üçün qarşı tərəfə  1 milyon avro ödəməli idi. Lakin "Əl-Sədd" danışıqlarda güzəştə getməkdən imtina edib. Klub rəsmi təklifin şəxsən Joan Laporta tərəfindən olunmasını tələb edir. 

Qeyd edək ki, Xavinin "Əl-Sədd"lə sözləşməsi 2023-cü ilə qədərdir.