Serxio Ramos "Real Madrid"dən ayrıldı

“Real”ın kapitanı Serxio Ramos komandadan ayrılıb.

Bu barədə Madrid klubunun rəsmi saytı məlumat yayıb. 35 yaşlı müdafiəçi üçün sabah mətbuat konfransı keçiriləcəyi bildirilib.

Qeyd edək ki, Serxio Ramos 2005-ci ildən “Real Madrid”də çıxış edirdi. Paytaxt təmsilçisi ilə 5 qat İspaniya çempionu olan futbolçu 4 dəfə ölkə Superkubokunu, eyni sayda Çempionlar Liqasını və klublararası dünya çempionatını qazanıb.