Türkiyə millisinin yeni baş məşqçisi - Rəsmi

Türkiyə millisinin yeni baş məşqçisi Stefan Kuntzla müqavilə imzalanıb.

Bu gün Riva Hasan Doğan Milli Komandalar Təlim Mərkəzində almaniyalı mütəxəssisin təqdimat mərasimi keçirilib.

Kuntz Türkiyə Futbol Federasiyası ilə 3 illik müqaviləyə qol çəkib. Oktyabrın 8-də DÇ-2022-nin seçmə mərhələsində Norveçlə görüş 59 yaşlı məşqçinin yığmada debütü olacaq. 

59 yaşlı mütəxəssis təqdimat mərasimində deyib: 

"Norveçlə DÇ-2022-nin seçmə oyununa sürətlə hazırlaşacağıq. Bütün diqqəti oyunumuza yönəldəcəyik". 

Kunts Türkiyə Futbol Federasiyasının (TFF) İcraiyyə Komitəsinin üzvü və Türkiyə millisinin sabiq futbolçusu Hamit Altıntopun onunla əlaqə saxladığını bildirib: "Bunun üçün qurur duydum. Məşhur və uğurlu türkiyəli baş məşqçinin ardından bu posta gəldiyim üçün xoşbəxtəm. İşin böyük hissəsi bundan sonra başlayır".