Mamadu Kane Afinaya getdi

"Neftçi"nin futbolçusu Mamadu Kane karyerasını Yunanıstanda davam etdirməyə yaxındır.

Yunanıstan mətbuatına əsasən, 24 yaşlı yarımmüdafiəçi "Olimpiakos"a keçidini tamamlamaq üçün Afinaya yola düşüb.

Pirey təmsilçisinin qvineyalı oyunçu ilə 4 illik müqavilə imzalayacağı bildirilib. "Olimpiakos" Kaneyə görə "Neftçi"yə 300 min avro ödəyəci vurğulanıb.

Qeyd edək ki,  Kane 2019-cu ilin yanvarından Bakı klubunda oynayır.