"Roma"dan "Milan"a

"Roma"nın futbolçusu Alessandro Florenzi "Milan"a keçməyə yaxındır.

İtaliya mətbuatı xəbər verib ki, klub "Mançester Yunayted"lə Dioqo Dalotu almaq üçün danışıqlar zamanı çətinliklər yarandıqdan sonra 30 yaşlı müdafiəçini transfer etməyə qərar verib. Oyunçunun özünün də "Milan"a keçməyə razı olduğu vurğulanıb. 

Florenzi ilə "Sevilya" və "Atletiko"nun da maraqlandığı bildirilir.

Qeyd edək ki, İtaliya millisinin üzvü ötən mövsüm icarə əsasında PSJ-də oynayıb.