İrlandiya - Azərbaycan oyununa azarkeşlər buraxılacaq

DÇ-2022-nin seçmə mərhələsində millimizin rəqiblərindən olan İrlandiya yığmasının sentyabrda keçirəcəyi ev oyunlarına azarkeş buraxılacaq.

Britaniya mətbuatına əsasən, yerli hökumət tribunalara stadion tutumunun 50 faizi qədər azarkeş buraxılmasına icazə verib. Komandanın ev oyunlarını keçirdiyi Dublindəki "Aviva" arenası 51 min 700 tamaşaçı tutumuna malikdir. Bu da oyunlara təqribən 25 min azarkeşin buraxılması  deməkdir.

Qeyd edək ki, İrlaniya millisi A qrupunda sentyabrın 4-də Azərbaycan, 7-də isə Serbiyanı qəbul edəcək.