Sautqeytin oyun sonu açıqlamaları

Sautqeyt yığmanın çıxışından razı qaldığını bildirib: "Komandamın oyunundan çox məmnunam və futbolçularımın nail olduğu ən vacib şey rəqiblərin təzyiq etdiyi anlarda çaxnaşmaya düşməmələridir. Nəticə etibarilə ölkəmizdəki azarkeşlər bu gözəl axşamın sonunda sevindilər. Penalti epizodunu görmədim. Ona görə də bu epizodu qiymətləndirə bilmirəm. VAR var. Bu səbəbdən mənə elə gəlir ki, hakim qərarı düzgündür. Bu matçda azarkeşlərimizin böyük rolu oldu".

İngiltərəli çalışdırıcı iyulun 11-də İtaliyaya qarşı keçirəcəkləri final görüşündən də danışıb: "Finala çıxmışıq ki, orada da qalib gələk. Yenidən hazırlaşacağıq. Finala qədər bərpa olunmalıyıq. Çünki bugünkü oyun çox çətin keçdi və çoxlu güc sərf etdik. İtaliya da çətinlik çəkdi. Amma onların hazırlaşmaq üçün əlavə bir günü var".