Fransada Mbappe krizisi

Avro-2020-də hələ də qol vura bilməyən Fransa millisinin hücumçusu Kilian Mbappe ilə bağlı fərqli fikirlər səslənməyə davam edir.

22 yaşlı hücumçu qrup mərhələsində meydana çıxdığı 3 matçın heç birində fərqlənə bilməyib.

Fransa millisinin sabiq futbolçusu Jerom Roten "RMC Sport"a açıqlamasında Mbappeni tənqid edib: "Mbappenin eqosu meydanda da hiss olunur. Bu vəziyyət məni narahat edir. Didye Deşam belə Mbappenin eqosu ilə bacarmır".

Qeyd edək ki, Fransa 1/8 finalda iyunun 28-i İsveçrə ilə qarşılaşacaq.