"DÇ-2022"nin püşkü atıldı

Bu gün Qətərin paytaxtı Dohada DÇ-2022-nin püşkatma mərasimi keçirilib. 

Tədbir Bakı vaxtı ilə saat 20:00-da başlayıb. Püşkü dünyanın 8 məşhur veteran futbolçusu çəkib. Onlar Azərbaycan əsilli iranlı keçmiş oyunçu Əli Daei, Adel Ahmed Malallah (Qətər), Bora Milutinoviç (Serbiya), Kafu (Braziliya), Cey-Cey Okoça (Nigeriya), Lotar Matteus (Almaniya), Rabah Macer (Əlcəzair) və Tim Keyhildir (Avstraliya). 

Püşkün nəticələrinə əsasən, 8 qrupun tərkibi aşağıdakı kimidir:

A qrupu

Qətər
Ekvador
Seneqal
Niderland

B qrupu

İngiltərə
İran
ABŞ
Şotlandiya /Ukrayna -  Uels cütünün qalibi

C qrupu

Argentina
Səudiyyə Ərəbistanı
Meksika
Polşa

D qrupu

Fransa
Birləşmiş Ərəb Əmirlikləri / Avstraliya  - Peru cütünün qalibi 
Danimarka
Tunis

E qrupu

İspaniya
Almaniya
Yaponiya
Yeni Zelandiya - Kosta-Rika cütünün qalibi

F qrupu

Belçika
Kanada
Mərakeş
Xorvatiya

G qrupu

Braziliya
Serbiya
İsveçrə
Kamerun

H qrupu

Portuqaliya
Qana
Uruqvay
Cənubi Koreya

Qeyd edək ki, hazırda mundialın final mərhələsinin 29 iştirakçısı məlumdur. Pley-off mərhələsində daha 3 komandanın adına iyunda aydınlıq gələcək. Avropa zonası üzrə Şotlandiya - Ukrayna oyununun qalibi finalda Uelslə üz-üzə gələcək. Birləşmiş Ərəb Əmirlikləri / Avstraliya cütünün qalibi Peru ilə, Yeni Zelandiya isə Kosta-Rika ilə görüşəcək.

Əlavə edək ki, qrup mərhələsinin oyunları noyabrın 21-dən dekabrın 2-dək, 1/8 final  3-6 dekabr, 1/4 final  9-10 dekabr, 1/2 final  13-14 dekabr, 3-cü yer uğrunda görüş  17 dekabr,  final  isə18 dekabrda keçiriləcək.