De Brüyne pley-off mərhələsi haqda da danışıb

"Finlandiyaya qarşı matçda qol şansları yaratmağın çətin olacağını bilirdik. İkinci hissədə bu tapşırığın öhdəsindən daha yaxşı gəldik".

Bu sözləri Belçika millisinin futbolçusu Kevin de Brüyne Avro-2020-nin qrup mərhələsinin sonuncu turunda Finlandiyaya 2:0 hesabı ilə qalib gəldikləri matçdan sonra deyib.

29 yaşlı yarımmüdafiəçi komanda yoldaşı Romeli Lukakunun onların gizli silahı olduğunu bildirib: "Əslində o qədər də gizli deyil. Onu meydanda tapmaq asandır, cərimə meydançasında olanda harada olduğunu, topu ona necə verəcəyimi dəqiq bilirəm".

De Brüyne pley-off mərhələsi haqda da danışıb: "Bundan sonra nə olacağını demək çətindir. Pley-offda işlər fərqli olacaq. Səhv etsəniz, evə gedirsiniz. Növbəti matça yaxşı formada hazırlaşmağa çalışacağıq".

Qeyd edək ki, Belçika millisi B  qrupunu 9 xalla 1-ci pillədə tamamlayıb.