1/8 finalın növbəti cütlükləri

Bu gün Avro-2020-də 1/8 finalın iki cütlüyü müəyyənləşib.

Bu, C və B qrupunda keçirilən sonuncu turun oyunlarından sonra dəqiqləşib.

C qrupunda Ukrayna üzərindəki  1:0 hesablı qələbə sayəsində qrupunda 2-ci yer tutan Avstriya A qrupunu 1-ci pillədə tamamlayan İtaliya ilə qarşılaşacaq. Londondakı "Uembli" stadionunda keçiriləcək sözügedən görüş iyunun 26-ı Bakı vaxtı ilə saat 23:00-da başlayacaq.

B qrupunda 2-ci yeri tutan Danimarka isə A qrupunun 2-cisi Uelslə qarşılaşacaq. İyunun 26-da keçiriləcək bu görüş Bakı vaxtı ilə 20:00-da başlayacaq.