Ronaldo bu oyunu buraxa bilər

"Mançester Yunayted"in hücumçusu Kriştiano Ronaldo İngiltərə Premyer Liqasının 23-cü turunun "Vest Hem"lə oyununu buraxa bilər.

Klubun saytına istinadən, portuqaliyalı futbolçunun "Brentford"la oyunda (3:1) boynunda problem yaranıb və o, 71-ci dəqiqədə əvəzlənib.

Komandanın baş məşqçisi Ralf Ranqnik 36 yaşlı oyunçunun son durumu ilə bağlı deyib: "Ronaldonun boynunda problem olduğu üçün matçda iştirakı sual altındadır. Dünən o, 2-3 saatlıq müalicə kursu keçib və bu gün onun özünü necə hiss etdiyini anlamaq lazımdır".

Qeyd edək ki, Ronaldo bu mövsüm Premyer Liqada 17 oyunda 8 qol vurub.