Reşford, Saka və Sanço üçün 750 min imza

İngiltərəli azarkeşlər yığmanın Avro-2020-nin finalında İtaliyaya uduzmasından (əsas və əlavı vaxt – 1:1, penaltilər seriyası – 2:3) sonra millinin penaltini dəqiq yerinə yetirmədiyi üçün irqçi tənqidlərə məruz qalan üzvləri Markus Reşford, Bukayo Saka və Ceydon Sançoya dəstək üçün hərəkətə keçiblər.

Goal.com-a əsasən, onlar sözügedən oyunçulara qarşı irqçi ifadələr işlədən şəxslərin futbol matçlarından ömürlük kənarda qalmasını tələb ediblər. Hətta fanatlar artıq bu məsələ ilə bağlı kampaniya da başladıblar və 750 min səs toplayıblar.