UEFA Macarıstanı cəzalandırdı

UEFA İntizam Komitəsi Macarıstan millisini cəzalandırıb.

Qurumun saytına əsasən, buna yığmanın azarkeşlərinin Avro-2020-nin qrup mərhələsində Portuqaliya, Fransa, Almaniya ilə matçlarda irqçi hərəkətləri, ayrıseçkiliyin yer aldığı pankartlar açması səbəb olub. Macarıstan millisi 1-i 2 il müddətinə şərti olmaqla, ümumilikdə 3 matç azarkeşsiz oynamaqla cəzalandırılıb.

Bundan başqa, Macarıstan Futbol Federasiyası 100 min avro məbləğində cərimələnib.