"Milli komanda ilə kubok qazanmaq istəyirəm"

Argentina millisinin kapitanı Lionel Messi Amerika kubokunda finala yüksəlmələrini şərh edib.

"Mundo Deportivo"ya əsasən, o, yarımfinalda Kolumbiyaya qalib gəldikləri matçdan (1:1, penaltilər seriyası - 3:2) sonra deyib: “Argentina - Braziliya hər kəsin gözlədiyi finaldır. Bizi mübarizənin olacağı çətin matç gözləyir.

Finala çıxmaq ilk hədəfimiz idi, buna nail olduq. Hər zamankındən daha çox ilham aldıq. Son Amerika kubokunda komanda gücləndi və özü haqqında yaxşı bir iz buraxdı. Bu dəfə daha da böyük nəticələr əldə etdik. Milli komanda ilə kubok qazanmaq istəyirəm".

Qeyd edək ki, Argentina finalda iyulun 11-i Braziliya ilə qarşılaşacaq.