Toni Kroos millidəki karyerasını başa vurdu

Toni Kroos gözlənildiyi kimi, Almaniya millisindəki karyerasını başa vurub.

"Real"ın yarımmüdafiəçisi bu barədə Tvitter səhifəsində paylaşım edib. O, bundan sonra "Real"dakı oyunlarına daha çox diqqət ayırmaq istədiyini bildirib.

Qeyd edək ki, 31 yaşlı futbolçu 2010-cu ildən Almaniya millisində çıxış edirdi. O, bu müddətdə 106 oyuna 17 qol vurub. Kroos 2014-cü ildə milli ilə dünya çempionu adını qazanıb. Avro-2020-də isə onun komandası uğurusuz çıxış edərək 1/8 finalda mübarizəni dayandırıb.