Ronaldoya uğur gətirir

Portuqaliya millisinin futbolçusu Kriştiano Ronaldo Avro-2020-nin qrup mərhələsinin 3-cü turunda Fransa ilə matçda (2:2) sevgilisi Corcina Rodriqeslə çəkdirdiyi şəkli üzərində daşıyaraq oynayıb.

Corcina məhz "İnstaqram"da yayımladığı şəkillərdə bu detala yer verib. Şəkildə Ronaldonun Fransa ilə matçda geyindiyi corabın altında 36 yaşlı hücumçu və modelin birgə şəklinin olduğu görünür.

Dünya mətbuatı sevgilisi ilə şəkillərin Ronaldoya uğur gətirdiyini yazıb. Çünki o, qrup mərhələsində Fransa ilə oyunda 2 qol da daxil olmaqla, ümumilikdə 5 qol vurub.