"PSJ"də 50 milyon dollarlıq müqavilə

"PSJ" GOAT onlayn idman ayaqqabısı şirkəti ilə əməkdaşlığa başlayıb.

"Bloomberg"ə istinadən, tərəflər üç illik müqavilə üçün razılığa gəliblər. Bu əməkdaşlığa görə Paris təmsilçisi 50 milyon dollar qazanacaq. Artıq bu mövsüm "PSJ" yeni tərəfdaşının adını formasının qollarına yazdıracaq. Həmçinin həmin şirkət klubun stadionunda, televiziyasında və saytında reklam ediləcək.

"PSJ" GOAT saytında öz mağazasına sahib olan ilk komanda olacaq.

Qeyd edək ki, GOAT hər kəsin həm yeni, həm də işlənmiş idman ayaqqabılarının satıla biləcəyi onlayn platformadır.