UEFA səfər qolu qaydasını ləğv etdi

UEFA 2021/2022 mövsümündən Avropa yarışlarında səfər qolu qaydasını ləğv edib.

Bu barədə qurumun saytı məlumat yayıb. Yeni qərara əsasən, iki oyunun nəticəsinə əsasən, hesab bərabər olarsa, hərəsi 15 dəqiqədən ibarət iki əlavə hissə oynanılacaq. Burada da qalib müəyyənləşməsə, penaltilər seriyası olacaq.

Qeyd edək ki, səfər qolu qaydası Çempionlar Liqasında, Avropa Liqasında və Avropa çempionatının  pley-off mərhələsində tətbiq olununrdu. Bu qaydaya görə, iki matçın nəticəsindən sonra bərabərlik olması halında, səfərdə daha çox qol vuran komanda növbəti mərhələyə yüksəlirdi.