"75 yaşında belə qol vuracaq"

"Mançester Siti"nin baş məşqçisi Pep Qvardiola "Mançester Yunayted"in oyunçusu Kriştiano Ronaldo haqqında danışıb. 

50 yaşlı mütəxəssis "Sky Sports"a açıqlamasında 36 yaşlı hücumçunu tərifləyib: 

"Ronaldo əla oyunçudur. O, 75 yaşında belə qol vurmağı bacaracaq. O, karyerasını bitirdikdən sonra da həvəskar olaraq futbol oynayacaq. Onun etdikləri inanılmazdır". 

Qeyd edək ki, Ronaldo avqustun 31-i "qırmızı şeytanlar"la 2+1 illik müqavilə imzalayıb.