"Mən də Messi və Ronaldo qədər yaxşıyam"

Milan"ın hücumçusu Zlatan İbrahimoviç özünü Lionel Messi ("PSJ") və Kriştiano Ronaldo ("Mançester Yunayted" ) ilə müqayisə edib.

"France Football"a istinadən, isveçli hücumçu bununla bağlı deyib: "Əgər oyun keyfiyyətlərindən danışırıqsa, mən onlardan pis deyiləm. Kubokları götürsək, bəli - Çempionlar Liqasını qazanmamışam.

Amma ən yaxşısnı necə təyin etdiyinizi bilmirəm. Mən bu mövzuda sabit deyiləm. Komanda yaxşı oynayanda fərdi oyunçu önə çıxır. Komanda olmasa, bir oyunçu yaxşı ola bilməz.

"Qızıl top"u itirdimmi? Xeyr, "Qızıl top" məni itirdi! Özümü dünyanın ən yaxşısı hesab edirəm. Amma futbolçuları bir -biri ilə müqayisə etməyi düzgün hesab etmirəm.

Hər kəs müxtəlif vaxtlarda fərqli futbolçularla oynadı ... Müqayisə etmək çətindir. Düşünürəm ki, hər kəsin öz hekayəsi var və bununla barışmalıyıq".