Bolt Ronaldo barəsində danışdı

Yüngül atletika üzrə 8 qat olimpiya və 11 qat dünya çempionu Useyn Bolt Kriştiano Ronaldonun "Mançester Yunayted"ə qayıtmağına münasibət bildirib.

"BBC"yə istinadən, o deyib ki, portuqaliyalı hücumçunun Mançester təmsilçisinə geri dönməsi çox xoşdur: "Kriştiano tələbkardır, komanda yoldaşlarından çox şey tələb edəcək və bu onları daha yaxşı hala gətirəcək. Fərqli bir səviyyədədir, sadəcə bir maşındır.

Düşünürəm ki, o, 42 yaşına qədər oynayacaq. Həmişə əla formada olacaq və gördüyü iş və fədakarlığı sayəsində gənc oyunçulardan yuxarı səviyyədə qalacaq".

Xatırladaq ki, Kriştiano Ronaldo 2003-2009-cu illərdə də "Mançester Yunayted"də çıxış edib.