İnyesta: “Barselona”nı sənsiz təsəvvür etmək çox çətindir"

“Barselona”nın sabiq futbolçusu Andres İnyesta Lionel Messinin klubdan ayrılmasına münasibət bildirib.

Yaponiyanın “Vissel Kobe” klubunda çıxış edən 37 yaşlı yarımmüdafiəçi İnstaqramdakı paylaşımında Messi haqda bunları yazıb:

“14 il birlikdə oynadıq. Bir çox fərqli anlar yaşadıq. “Barselona”nı sənsiz təsəvvür etmək çox çətindir. Hər şey sənin üçün əla olsun. Uğurlar, Leo. Səninlə oynamaq xoş idi”.

Xatırladaq ki, iyunun 30-da "Barselona" ilə müqaviləsi başa çatan Messinin sözləşməsi yenilənməyib. Onun PSJ-yə keçəcəyi gözlənilir.