Messi 17 il sonra ilk dəfə "Qızıl top"a namizəd deyil

"PSJ"nin və Argentina millisinin futbolçusu Lionel Messi 2022-ci il üçün "Qızıl top"a namizədlər siyahısında yoxdur. 

Belə hal son dəfə 17 il öncə yaşanıb. 35 yaşlı forvard 2005-ci ildən etibarən hər il "Qızıl top"un qısa siyahısında yer alıb. O, hətta 2007-2018-ci illərdə hər il ilk "3-lüy"ə daxil olmağı bacarıb. O, bu müddət ərzində 5 dəfə sözügedən mükafata layiq görülüb. 2018-ci ildə qələbəni əldən verən forvard 2019, 2021-ci illərdə "Qızıl top"u qazanıb. Koronavirus pandemiyası səbəbindən mükafat 2020-ci ildə verilməyib. 

Qeyd edək ki, Messi "PSJ"nin heyətində geridə qalan mövsüm 34 matçda 14 qol vurub və 11 qolun ötürməsini verib. O, Argentina millisi ilə 15 oyunda 7 dəfə fərqlənib.