Məşhur futbolçu karyerasını başa vurur

"Liverpul"un sabiq futbolçusu Martin Şkrtel karyerasını başa vurmaq qərarına gəlib.

O, bu barədə hazırda çıxış etdiyi "Spartak"ın (Slovakiya) mətbuat xidmətinə açıqlamasında bildirib.

37 yaşlı futbolçu mayın 21-də yerli çempionatdakı oyunun onun üçün sonuncu olacağını deyib.

Qeyd edək ki, Slovakiya millisinin sabiq futbolçusu Rusiyanın "Zenit", Türkiyənin "Fənərbağça" və "Başakşehir" klublarında da çıxış edib.