Dibala göz yaşlarını saxlaya bilmədi

"Yuventus"un futbolçusu Paulo Dibala komandada sonuncu oyununu keçirib.

Forvard A seriyasının 37-ci turunda "Latsio" ilə matçından (2:2) əvvəl görüşün onun üçün son olduğunu bildirib. Meydana start heyətdə çıxan 28 yaşlı hücumçu azarkeşlərin alqış sədaları altında 78-ci dəqiqədə əvəzlənib. Dibala oyundan sonra göz yaşlarını saxlaya bilməyib. Komanda yoldaşları isə argentinalı oyunçuya dəstək olub, onu bir neçə dəfə qucaqlayıb havaya atıblar.

Qeyd edək ki, Dibala 2015-ci ildən Turin təmsilçisinin formasını geyinirdi.