Azərbaycan sıralanmada bir pillə gerilədi

UEFA Avrokuboklarda qrup mərhələsinin sonuncu (6-cı) turundan sonra yeni reytinq siyahısını açıqlayıb.

Cədvəldə müəyyən dəyişikliklər olub. "Qarabağ" Konfrans Liqasının qrup mərhələsində səfərdə "Bazel"ə (İsveçrə) uduzduğundan (0:3) ölkəmizin aktivinə xal əlavə olunmayıb.

Azərbaycan sıralanmada bir pillə geriləyərək 26-cı yerə enib. Ölkəmizin aktivində 17.000 xal var. Rumıniya isə xallarını 17,150-yə çatdıraraq 25-ci yeri ələ keçirib.   

Qeyd edək ki, cədvələ 99,783 xala malik İngiltərə başçılıq edir.