Mbappe davranışına görə tənqid olundu

"Metz"in baş məşqçisi Frederik Antonetti PSJ-nin hücumçusu Kilian Mbappenin davranışını tənqid edib.

Buna səbəb fransalı hücumçunun "Metz"lə görüşün (2:1) 90+5-ci dəqiqəsidə Aşkraf Hakimin vurduğu qoldan sonra rəqib komandanın qapıçısı Aleksander Ukidjenin yanına qaçması və ona qışqıraraq qələbə qolunu qeyd etməsi olub.

Matçdan sonra Antonetti Mbappe ilə bağlı deyib: "Mbappe xoşuma gəlir, amma sevilmək istəyirsə, fərqli davranmalıdır. Daha təvazökar olsaydı, ona yaxşı olardı".