Messi daha bir oyunu buraxacaq

"PSJ"nin futbolçusu Lionel Messi daha bir oyun buraxacaq.

"L'Équipe" nəşrinə istinadən, argentinalı hücumçu zədə səbəbindən Fransa çempionatında sentyabrın 25-i keçiriləcək "Monpelye" ilə görüşdə də iştirak etməyəcək.

"PSJ" ümid edir ki, Messi sentyabrın 28-də Çempionlar Liqasının qrup mərhələsində "Mançester Siti" ilə matça kimi sağalacaq. Lionel sabah başqa bir müayinədən keçəcək. İki oyunu buraxmağın Messinin zədəsinin sağalmasına imkan verəcəyi ehtimal olunur.

Qeyd edək ki, 34 yaşlı oyunçunun adı zədəyə görə bu gün keçiriləcək "Metz"lə görüş üçün heyətə daxil edilməyib.